Vi tykte det var lite bilar utafor til å vere midt i fellesferien, men med ein meny som består av hamburgertallerken, pommes frites, slapp karamellpudding og den evinnelege løv”biffen” var kanskje ikkje det så rart. Vi klarte likevel å overtale oss sjølve til å ete der sidan vi var så sultne etter seks timar køyring, noko vi egentleg angrar på no. Sjølv om dei hadde elgfrikadeller som i seg sjølv var heilt greie klarte dei å øydeleggje måltidet med overkokte grønsaker. Pølsa og chipsen dei hadde til barnemeny rann av feitt så vesla fekk dele litt på elgfrikadellene. Etter middagen kosa vi oss fælt med sur kaffe og skitne leiker i leikekroken. Herleg. Det begynte å regne då vi skulle ut i bilen igjen.

Etter gode opplevingar på Espa og Kløfta – begge eigd av Marché – byrjar vi å lure på om det verkeleg er overtaking av utlendingar som skal til for at ein sulten reisande skal kunne få kjøpt seg eit bra mål mat her til lands. Kva meiner DU – finnest det gode norsk-eigde vegkroer her til lands?